ՄԱՏԵՆԱԴԱՐԱՆՈՒՄ ՏԵՂԻ ԿՈՒՆԵՆԱ ԳԻՏԱԺՈՂՈՎ` ՆՎԻՐՎԱԾ ՀԱՅԵՐԵՆ ԱՌԱՋԻՆ ՏՊԱԳԻՐ ԱՍՏՎԱԾԱՇՆՉԻ ՀՐԱՏԱՐԱԿՄԱՆ 350-ԱՄՅԱԿԻՆ


  Տեղեկացնում ենք, որ ՅՈՒՆԵՍԿՕ-ն հաստատել է 2016 թ. «Մաշտոց» հիմնադրամի ներկայացրած «Տպագրության մարգարիտ» խորագիրը կրող ծրագիրը, որը նվիրված է Ոսկան Երևանցու հայերեն առաջին տպագիր Աստվածաշնչի հրատարակման 350-ամյակին:
  Գիտաժողովը տեղի կունենա 2017 թ. սեպտեմբերին։
  Ծրագրի շրջանակներում Մեսրոպ Մաշտոցի անվան հին ձեռագրերի ինստիտուտ Մատենադարանում կկազմակերպվի միջազգային գիտաժողով և թեմատիկ ցուցադրություն, ինչպես նաև կհրատարակվի երկլեզու ալբոմ-ուսումնասիրություն` նվիրված այդ հրատարակությանը:
Գիտաժողովին մասնակցելու համար խնդրում ենք լրացնել կից հայտը և մինչև ս.թ. մայիսի 31-ը ուղարկել հետևյալ էլ. հասցեներով՝ interrelmatenadaran@gmail.com mashtotsfoundation@gmail.com:
  Զեկուցումների համար տրվելու է 15-20 րոպե ժամանակ։
  Յուրաքանչյուր նիստից հետո 15 րոպե կհատկացվի հարց ու պատասխանի համար:
  Գիտաժողովի աշխատանքային լեզուներն են հայերենը և անգլերենը:
  Ծրագրի վերաբերյալ լրացուցիչ տեղեկությունների համար կարող եք դիմել Մատենադարանի միջազգային կապերի բաժին (հեռ.` +37410 513049)։

ՄԱՏԵՆԱԴԱՐԱՆ
Մեսրոպ Մաշտոցի անվան հին ձեռագրերի
գիտահետազոտական ինստիտուտ


'