Նոր հրատարակություն Նոր հրատարակություն. «Հին հունական առասպելների արձագանքները հայ միջնադարյան մատենագրության մեջ» Նոր հրատարակություն Նոր հրատարակություն Նոր հրատարակություն Լուսաբանման հրավեր «Հիշողության կերպարանքները» III միջազգային սեմինար Հայագիտական Ուսումնասիրությունների Միջազգային Ընկերության 13-րդ Ընդհանուր գիտաժողովը Միսաք Գոչունյանի «Օրուան Մտածումներ» ժողովածուին նվիրված գիտաժողով... Լույս է տեսել Ձեռագրերի Մայր ցուցակի 8-րդ հատորը Լույս Է տեսել «Մատենագիրք Հայոց» մատենաշարի Ժէ հատորը Մատենադարանը լույս է ընծայել «Մատենագիրք Հայոց» մատենաշարի ԺԹ հատորը Նոր հրատարակություն Գիտաժողով Մատենադարանում Նոր հրատարակություն. «Պարականոն բնագրեր ու ավանդություններ». Մայքլ Սթոուն Նոր հրատարակություն. «Արցախի մանրանկարչական արվեստը» «ՀԻՇՈՂՈՒԹՅԱՆ ԿԵՐՊԱՐԱՆՔՆԵՐԸ» IV միջազգային սեմինար Նոր հրատարակություն Նոր հրատարակություն Նոր հրատարակություն Նոր հրատարակություն Տեղի կունենա գիտաժողով Մատենադարանում Նոր հրատարակություն Լույս Է տեսել «Մատենագիրք Հայոց» Մատենաշարի Ի հատորը Մատենադարանում «Այնթապի ասեղնագործությունը» գրքի շնորհանդեսով մեկնարկեց նույն թեմայով ժամանակավոր ցուցադրությունը ՆՈՐ ՀՐԱՏԱՐԱԿՈՒԹՅՈՒՆ. «ԴԱՐԻ ԿՈՂՈՊՈՒՏԸ. ՀԱՅԵՐԻ ՈՒՆԵԶՐԿՈՒՄԸ ՕՍՄԱՆՅԱՆ ԿԱՅՍՐՈՒԹՅՈՒՆՈՒՄ 1914-1923 ԹԹ.» Նոր հրատարակություն Նոր հրատարակություն Տեղի կունենա գիտաժողով՝ նվիրած պատմական Տայք նահանգին Նոր հրատարակություն «Նարեկացիական ընթերցումներ» Մատենադարանում Տեղի կունենա «Հիշողության կերպարանքները» միջազգային հինգերորդ գիտաժողովը Լույս է տեսել Էմմա Կորխմազյանի «Բարձր Հայքի մանրանկարչությունը ԺԱ.-ԺԴ. դդ.» գիրքը Նոր հրատարակություն Տեղի կունենա Մատենադարանի երիտասարդ գիտաշխատողների առաջին գիտաժողովը Մատենադարանում տեղի կունենա Ոսկան Երևանցուն նվիրված սեմինար Վերահրատարակվել է Սեն Արևշատյանի ուսումնասիրությունը «Պատմական Տայք. պատմություն, մշակույթ, դավանանք», 22-24 հունիսի, 2016 թ. Բանբեր Մատենադարանի N22 Նոր հրատարակություն Լույս է տեսել Հրաչյա Թամրազյանի «Գրիգոր Նարեկացին եվ Նարեկյան դպրոցը» ուսումնասիրության երկրորդ հատորը «Նարեկացիական ընթերցումներ» 2-րդ միջազգային գիտաժողով Լույս է տեսել «Գրիգոր Նարեկացին հայ ձեռագրական արվեստում» գիրքը Լույս է տեսել «Միքայել անվամբ ԺԷ. դարի երկու գրիչ» գիրքը Հրատարակվել է «Հայոց Ցեղասպանության թեման թատրոնում (1895-2015)» գիրքը Լույս է տեսել Մատենադարանի աշխատակիցների ևս 3 աշխատություն Մատենադարանում տեղի կունենա գիտաժողով` նվիրված հայերեն առաջին տպագիր Աստվածաշնչի հրատարակման 350-ամյակին Հայաստանում առաջին անգամ կկազմակերպվի արաբատառ ձեռագրերի նկարագրման ներածական դասընթաց Գիտագործնական սեմինար և թեմատիկ վարժանք` Մատենադարանում Միջազգային սեմինար Մատենադարանում

Թվային ռեսուրսներ





Անոնս


Տեսանյութ

ՆՈՐ ՀՐԱՏԱՐԱԿՈՒԹՅՈՒՆ

Հրաչյա Թամրազյան, «Սրբադասված Հիշողություն», Երևան, «Նաիրի», 148 էջ։

«Նաիրի» հրատարակչությունը լույս է ընծայել Հրաչյա Թամրազյանի «Սրբադասված Հիշողություն» բանաստեղծությունների ժողովածուն, որը նվիրված է Հայոց ցեղասպանության անմեղ զոհերի հիշատակին։ Ներկայացնում ենք ժողովածուի նախաբանը և  «Մաշտոցյան Մատենադարան» բանաստեղծությունը։

Գիրքը յուրովի խոնարհում է մարդկային Հիշողությանը։
Մենք վերապրում ենք Հիշողությունն - իբրև Աստվածություն կամ աստվածամերձ ոլորտ՝ ուր կայանում է Հոգևոր Հայրենիքը՝ իբրև գոյության կենսական թաղանթ, իբրև համընդհանուր հիշողություն, որի զգացողությունը չի լքում մեզ - սա իմաստասիրություն չէ կյանքի ու մահվան մասին, այլ կենդանի թրթիռ, կենսազգացողություն, մի յուրատեսակ գերզգայարան կամ սնուցիչ զգայարան, որ ժամանակի առաձգական, քաոսային խոռոչները՝ ակնթարթորեն անհետացող՝  լցնում է կենսական տարածականությամբ՝ դեմք ու կերպ տալով նրան - նա ձև է տալիս անձևությանը, հետագիծ է տալիս անհետացող իրականությանը - նա արարում է կյանքը ոչնչից, նա է պահպանում կյանքի թրթիռն ու գոյության հյուլեն և հաճախ ինքնահրկիզվելով ուղեծիր է բացում գալիքում - մի նոր ներտիեզերք, որն անթեղում է անցյալը՝ այն վերակենդանացնելու և վերապրելու առաքելությամբ։
Հոգիների շրջապտույտ, ինքնասույզ համաստեղություններ և միգամածներ, որ մարդեղացած տիեզերքը վերածում են ներաշխարհի, որը պահպանում է Աստծո ոտնահետքերը։
Նա հույսի միակ աղբյուրն է, որ ձգելով նրա թելը, ամեն ինչ առնում է իր հյուսվածքի մեջ, անգամ աղետալի իրականությունը, որին ինքնափլուզման կիրքն է տիրում։ Նա սերմանում է կրկին մարդկային սերունդները, որ դարե՜ր-դարե՜ր մարդախոշոշ մոլոքի զոհերն են դարձել...
Հիշողության  մուսաներն են հազարամյակներով հնչեցնում տրտմության սաղմոսներն, աղոթքներն ու ողբերգերը - որպես սպեղանի ապրողներին, ի հիշատակ անցավորների... Եվ այդ սաղմոսներն ապաքինում են մեզ, քանի որ պարածածկում են կյանքը մի այլ հիշողությամբ։
Այս լուսածիրում, ահա, կայանում է մարդկային կյանքը, և հոգիներն ու ճակատագրերը միանում են իրար...
Եվ նրա հյուսվածքներում է, որ Խոսքը դառնում է Հիշատակարան, ողբը վերածվում է օրհներգի։
Նվիրվում է Հայոց ցեղասպանության անմեղ զոհերի հիշատակին։

Հրաչյա Թամրազյան



ՄԱՇՏՈՑՅԱՆ ՄԱՏԵՆԱԴԱՐԱՆ

Այս անձեռակերտ լույսի տաճարում
Բյուր սերունդներն են հանդիպում իրար,
Եվ հիշողության թաքուն հանճարն է
Մեզ ուղևորել հանդիպման այս վայրն՝

Առլեցուն խոսքի սուրբ ղողանջներով,
Արձագանքներով անցյալ ու գալիք,
Նա մեր խելահեղ արյան կանչերով,
Իբրև մայր ակունք, իբրև արարիչ

Հուներ է բացում հավերժի համար,
Որ ցեղի արյունն անապակ հոսի,
Ու հանուն կյանքի հավերժ արարման
Ապավինում ենք սրբազան խոսքին:

Մենք մեր անցյալն ենք հար ոգեկոչում
Ու մխրճվում ենք սիրտը գալիքի,
Այս սուրբ մատյանում ոչինչ չի կորչում,
Ու մշտարթուն են բառերը գրքի:

Ու հիշողության անմեռ մատյանում
Հարատևում է խոսքը հավերժող,
Ու մեր ողբաձայն ասքն է բարձրանում.
– Այդ խորաններում սո՛ւրբ է ամեն զոհ:

Այս խորաններում ոչինչ չի՛ մեռնում,
Լոկ խոսքն է մի պահ ահից համրանում,
Ապա հնչում է սերնդեսերունդ,
Ապա հնչում է անուն առ անուն,

Ու խտանում է տիեզերքը խուլ,
Ու սկսում է ընդերքը դողալ,
Այդ մեր խենթացած արյունն է երգում –
– Ողբա՛մ մեռելոց, կոչե՛մ ապրողաց –

Եվ հիշողության այս սուրբ տաճարում
Ապաքինվում են վերքերը բոլոր,
Ու ոչինչ, ոչինչ մեզ չի բաժանում,
Ու սերունդները բոլոր հին ու նոր

Հուներ են բացում գալիքի համար,
Ու խտանում է միգամածը մեր,
Որ գոյանան մեր աստղերը անմար,
Մեր արեգակը, որ դեռ չի ծնվել,

Որ խորանի պես վիշտն արձանանա,
Որ սա լինի մեր ողբերգը վերջին,
Ու սուրբ մրմունջներն այստեղ բարձրանան
Հանուն միության, հանուն հավերժի…

Օ, հիշողության սրբազան տաճար,
Թող ես տառ դառնամ կենաց մատյանում,
Որ միշտ ղողանջի ասքն հազարաձայն,
Որ մենք չմնանք անհուշ անցյալում,

Որ մեր սերմերը ծիլեր արձակեն,
Որ շառավիղներ ձգենք գալիքում,
Որ մեր ձայները հար արձագանքեն
Հոգու հավերժող մեր Հայրենիքում…
 

'