«Մարտիրոս Սարյան: Երկխոսություն հավերժի հետ» ժամանակավոր ցուցադրություն

   Մեսրոպ Մաշտոցի անվան Մատենադարանում դեկտեմբերի 12-ին տեղի ունեցավ «Մարտիրոս Սարյան: Երկխոսություն հավերժի հետ» ցուցադրության բացումը:
  Ցուցադրությունը ներկայացնում է Մարտիրոս Սարյանի տարբեր տարիների ստեղծագործությունների ընտրանին՝ դիմանկարների, նատյուրմորտների և բնանկարների, ինչպես նաև ջրանկարների և գրքերի նկարազարդումների նմուշներ:
    Մ. Սարյան տուն-թանգարանի և Մաշտոցյան Մատենադարանի համագործակցության շրջանակներում բացված ցուցահանդեսում ընդգրկված են կտավներ՝ Մ. Սարյան տուն-թանգարանի, ինչպես նաև Սարյան ընտանիքի հավաքածուից: Մ. Սարյան տուն-թանգարանի ամբողջ հավաքածուն թանգարանի շենքի հիմնարար վերանորոգման աշխատանքների հետ կապված, հանձնված է Մատենադարանին ի պահպանություն, որտեղ արդիական նոր սարքավորումներով օժտված պահոցներում հանգրվանել են նկարչի կտավները:



'