Մատենադարանը նորից կհարստանա Միհրան Մինասյանի նվիրատվությամբ՝ 1040 ձեռագրով «Փյունիկ» հիմնադրամի նվիրատվությունը Մատենադարանին Մատենադարանը հարստանում է նոր ձեռագրերով և արխիվային ֆոնդերով Նոր Ջուղայեցի բարեգործ Ավո Հովհաննիսյանի նոր նվիրատվությունները Մատենադարանին Պետրոս Բերբերյանի ձեռք բերած ձեռագրերն ու վավերագրերը հանձնվեցին Մատենադարանին «Փյունիկ» հիմնադրամը Մատենադարանին նվիրաբերեց ևս 10 ձեռագիր Ագուլիսի XVII դարի ավետարանը նվիրաբերվեց Մատենադարանին Մատենադարանին հանձնվեցին կարևոր ձեռագրեր Հայ բարերարները Մատենադարանին նվիրաբերեցին ևս 2 ձեռագիր Լոնդոնաբնակ Արմեն Սահակյանը Մատենադարանին է նվիրաբերել հայագիտական արժեքավոր գրականություն Մեծարժեք նվիրատվություն Մատենադարանին Նվիրատվություն Մատենադարանին Նվիրատվություն Մատենադարանին 15-րդ դարի արժեքավոր ձեռագրի նվիրատվություն Մատենադարանին ՆՎԻՐԱՏՎՈՒԹՅՈՒՆ ՄԱՏԵՆԱԴԱՐԱՆԻՆ Ավո Հովհաննիսյանը պարգևատրվեց «Մատենադարան» հուշամեդալով Մատենադարանին նվիրաբերվեց Նախիջևանից բերված XVII դարի ավետարան

ԶԼՄ-ների համար

Մատենադարանի գործունեության վերաբերյալ տեղեկատվություն ստանալու համար ԶԼՄ-ները կարող են դիմել՝
Հեռ.` (+374) 94615690
Էլ.փոստ՝ matenadaran.press@matenadaran.am

Ցուցասրահ՝ +374-10-562578
Տոմսարկղ՝ +374-10-513014
Ընդունարան` +374-10-513000

Անոնս


Թվային ռեսուրսներ





Տեսանյութ

ՄԱՏԵՆԱԴԱՐԱՆԸ ՆՈՐԻՑ ԿՀԱՐՍՏԱՆԱ ՄԻՀՐԱՆ ՄԻՆԱՍՅԱՆԻ ՆՎԻՐԱՏՎՈՒԹՅԱՄԲ՝ 1040 ՁԵՌԱԳՐՈՎ


   Հայալեզու, նաև արևելյան ձեռագրերի հավաքագրումը սփյուռքահայ Միհրան Մինասյանի կյանքի գործն է, իսկ դրանք Մատենադարանին հանձնելը` երազանքը: Երբ 70-ականների կեսերին Մատենադարանի փոխտնօրենը Սփյուռքի գաղթօջախներում կոչ էր անում մոռացությունից փրկել ու Մատենադարանին հանձնել հայերեն ձեռագրերը, Միհրան Մինասյանն առաջին արձագանքողներից էր։
Պարբերաբար Հայրենիք այցելող պարոն Միհրանն այս անգամ եւս դատարկաձեռն չի Հայաստանում։ 1040 ձեռագիր, որից 20-ը մագաղաթյա բացառիկ պատառիկներ են, թվագրվում են VI-XII դդ.:
   Միհրան Մինասյանը ձեռագրագետ կամ հայագետ չէ, բայց մանկուց առանձնակի սեր ունի ձեռագիր գրքերի հանդեպ: Ասում է` իր նվիրատվության մեջ կան այնպիսի պատառիկներ, որոնք 1000 էջանոց գրքի միայն մի թերթն են: Նրա խոսքով` ժամանակն ու պայմանները բարեհաճ չեն եղել հայոց պատմության վավերագրերի հանդեպ. հայալեզու ձեռագրերի ամենամեծ ու վերջին կորուստը 1915-ին էր: Այնուամենայնիվ, Միհրան Մինասյանը հույս ունի, որ փրկված այս ձեռագրերը կդառնան ուսումնասիրության նյութ, նաև` Մատենադարանի հիմնական և ժամանակավոր ցուցադրությունների նմուշ:
"Մատենդարանի կենսագրությունը հարստացավ Միհրան Մինասյանի նման անհատով: Մատենադարանն ինձ համար անձնավորված է, ինչպես անձնավորված է ամեն ձեռագիր, և ամեն մի նվիրատվություն Մատենադարանի համար իսկապես տոն է դառնում: Երբ մատենադարանցին, մասնագետը շփվում է ձեռագրերի հետ, սկսվում է մի հետաքրքիր երկխոսություն, կենդանի երկխոսություն ժամանակների միջև, սերունդների միջև, եւ ժամանակի զգացողությունն է անգամ փոխվում այդ ընթացքում",- ասաց Հին ձեռագրերի ինստիտուտ-թանգարանի՝ Մատենադարանի տնօրեն Հրաչյա Թամրազյանը։
   Հրաչյա Թամրազյանի խոսքով` Մատենադարանի հիմքը հավաքչական աշխատանքն է, ձեռագրերի ձեռքբերումը, արխիվային ֆոնդերի հարստացումը: Այդ առոմով Միհրան Մինասյանի ներդրումը չափազանց մեծ է եւ արժեքավոր: Պատահական չէ, որ օրեր առաջ նա պարգևատրվել է Մովսես Խորենացի մեդալով:
   Մատենադարանն ավելին է, քան հայոց ձեռագրատունը, այն հայերի համար մշակույթ է, պատմություն, կենսագրություն, ծննդյան վկայական: Ավելին` սփյուռքահայ նվիրատուի խոսքով` նորակառույց մասնաշենքը պատվաբեր է սիրելի Մատենադարանի համաը:
"Ինչպես Վիլյամ Սարոյանն իր թատերգության մեջ ասում է` "Իմ սիրտը լեռներում է", հիմա մեզանից շատերը կարող են ասել, որ իմ սիրտը Մատենադարանում է, այստեղ շատ հոգեհարազատ եմ ինձ զգում",- ասաց Միհրան Մինասյանը:

Աղբյուրը՝ yerkirmedia.am



'