Մեծարժեք նվիրատվություն Մատենադարանին «Փյունիկ» հիմնադրամի նվիրատվությունը Մատենադարանին Մատենադարանը հարստանում է նոր ձեռագրերով և արխիվային ֆոնդերով Նոր Ջուղայեցի բարեգործ Ավո Հովհաննիսյանի նոր նվիրատվությունները Մատենադարանին Պետրոս Բերբերյանի ձեռք բերած ձեռագրերն ու վավերագրերը հանձնվեցին Մատենադարանին «Փյունիկ» հիմնադրամը Մատենադարանին նվիրաբերեց ևս 10 ձեռագիր Ագուլիսի XVII դարի ավետարանը նվիրաբերվեց Մատենադարանին Մատենադարանին նվիրաբերվեց Նախիջևանից բերված XVII դարի ավետարան Մատենադարանին հանձնվեցին կարևոր ձեռագրեր Մատենադարանը նորից կհարստանա Միհրան Մինասյանի նվիրատվությամբ՝ 1040 ձեռագրով Լևոն Մինասյանի դուստրը Մատենադարանին նվիրաբերեց հնատիպ արժեքավոր գրքեր և հայագիտական գրականություն Նվիրատվություն Մատենադարանին Նվիրատվություն Մատենադարանին 15-րդ դարի արժեքավոր ձեռագրի նվիրատվություն Մատենադարանին ՆՎԻՐԱՏՎՈՒԹՅՈՒՆ ՄԱՏԵՆԱԴԱՐԱՆԻՆ Ավո Հովհաննիսյանը պարգևատրվեց «Մատենադարան» հուշամեդալով Լոնդոնաբնակ Արմեն Սահակյանը Մատենադարանին է նվիրաբերել հայագիտական արժեքավոր գրականություն ԼՈՆԴՈՆԱԲՆԱԿ ԴՈԿՏՈՐ ՎՐԵԺ (ՏԵՐ ՆԵՐՍԵՍ ԱՎԱԳ ՔԱՀԱՆԱ) ՆԵՐՍԵՍՅԱՆԸ ՄԱՏԵՆԱԴԱՐԱՆԻՆ ՆՎԻՐԱԲԵՐԵՑ ՁԵՌԱԳՐԵՐ Հայ բարերարները Մատենադարանին նվիրաբերեցին ևս 2 ձեռագիր

Սոցիալական ցանցեր


ԶԼՄ-ների համար

Մատենադարանի գործունեության վերաբերյալ տեղեկատվություն ստանալու համար ԶԼՄ-ները կարող են դիմել՝
Հեռ.` (+374) 94615690
Էլ.փոստ՝ matenadaran.press@matenadaran.am

Ցուցասրահ՝ +374-10-562578
Տոմսարկղ՝ +374-10-513014
Ընդունարան` +374-10-513000

Համալրումներ

Մատենադարանի հավաքածուների համալրումներ:

Անոնս


Թվային ռեսուրսներ





Տեսանյութ

ՄԱՏԵՆԱԴԱՐԱՆԸ ՀԱՐՍՏԱՆՈՒՄ Է ՆՈՐ ՁԵՌԱԳՐԵՐՈՎ ԵՎ ԱՐԽԻՎԱՅԻՆ ՖՈՆԴԵՐՈՎ


   Վերջին մեկ տարվա ընթացքում Մաշտոցի անվան Մատենադարանի ձեռագրական հավաքածուներն ավելացել են 33 միավորով, որոնց մեջ կան բացառիկ արժեք ներկայացնող ձեռագրեր: Մատենադարանի ձեռագրերի ընդհանուր թիվն այժմ կազմում է 17.260 միավոր: Դեռևս մեծաթիվ ձեռագրեր կան առանձին հավաքածուներում և անհատների մոտ, դրանք ձեռք բերելու համար Մատենադարանի տնօրինությունը հետևողական քայլեր է անում` բարերարների աջակցությամբ դրանք ազգային սեփականություն դարձնելու համար: Այժմ Մատենադարանում ի պահ է տրված երեք ձեռագիր, բացի այդ, տնօրինության տեսադաշտում են Հայաստանում և արտերկրում գտնվող բազմաթիվ ձեռագրեր:
   Մատենադարանի կառավարման խորհրդի երեկվա նիստում տնօրեն Հրաչյա Թամրազյանն իր հաշվետու զեկուցման մեջ նշեց, որ հարստացել է նաև արխիվային հավաքածուն, համալրվելով 5 արխիվային ֆոնդով` Լևոն Խաչիկյանի, Ս. Տեր-Ներսեսյանի, Համազասպ և Վիկտոր Համբարձումյանների, Գևորգ Աբգարյանի: Ձեռք են բերվել ավելի քան 30 առանձին արխիվային փաստաթղթեր ու թանգարանային առարկաներ: Սկսվել է արխիվային ֆոնդերի ամբողջական հաշվառման ընթացքը: ՅՈՒՆԵՍԿՕ-ի և Գ. Գյուլպենկյան հիմնադրամի առաջարկով, այս բաժինը տարբեր նախագծեր է մշակել: Արդեն իսկ սկսվել են արխիվային ֆոնդերի ուղեցույցի նախապատրաստական աշխատանքները: Ուղեցույցը կնպաստի Մատենադարանի բացառիկ արխիվային ֆոնդերի հանրահռչակմանը և արխիվային փաստաթղթերի որոնման դյուրացմանը:
   Արդեն ավարտվել է Կաթողիկոսական դիվանի հաշվառումը` շուրջ 44.000 միավոր, որոնց մեջ մեծ է հիվանդ կամ վնասված վավերագրերի քանակը: Առանձնացվել և ընդհանուր ֆոնդից մեկուսացվել են հազարից ավելի փաստաթղթեր, որոնք հաջորդաբար հանձնվում են վերականգնման բաժին: Վերականգնած և բուժված նյութերի քանակն արդեն անցել է 500-ից: Կատարվել է մեծ մակերեսով 8454 թերթերի ախտահանում և թերթային բուժում: Բուժվել է 36 գիրք և 250 վավերագիր: Սկսվել է միջնադարյան եբրայերեն թորաների բուժումը, ախտահանումն ու նորոգումը: Բուժվել է 110 մ մագաղաթյա թորա:
   Բարեգործական հիմունքներով բուժվել ու նորոգվել են Ցեղասպանության թանգարան-ինստիտուտի 15 արժեքավոր վավերագիր և 2 գիրք: Նույն հիմունքներով կատարվել է Օձունի վանքի մեծածավալ հնատիպ Աստվածաշնչի նորոգումը: Միաժամանակ շարունակվել է Մատենադարանի արծաթե կազմերի նորոգումը, վերանորոգվել է ձեռագրերի 19 արծաթե կազմ:
   Հաջողությամբ է ընթանում նաև ձեռագրերի թվայնացումը, առ այսօր բաժինը թվայնացրել է 520 ձեռագիր: Մատենադարանի կայքէջ` www.matenadaran.am են մուտքագրվել «Մայր ցուցակ հայերէն ձեռագրաց» մատենաշարի 5 հատորները, որոնցից ազատորեն կարող են օգտվել Հայաստանի և արտերկրի բոլոր մասնագետները: Այժմ համացանց են ներմուծվում մեկ այլ խոշոր մատենաշարի` «Մատենագիրք հայոց»-ի հատորները, որը ևս մեծ խթան կդառնա հայագիտության զարգացման համար:
Մատենադարանի տնօրենն իր խոսքում նշեց նաև, որ առանձնահատուկ ուշադրություն է հատկացվում սերնդափոխության խնդրին, որի հրատապության թելադրանքով աշխատանքի է ընդունվել 33 աշխատակից, որոնցից 25-ից ավելին գիտաշխատողներ և գիտական անձնակազմի աշխատակիցներ են: Նա անդրադարձավ նաև հրատարակչական գործունեությանը, որը տարեցտարի նոր թափ է ստանում:
   Մատենադարանի կյանքում ամենախոշոր երևույթն, անշուշտ, գիտական նոր մասնաշենքի կառուցումն է, որը նախատեսվում է ավարտել 2011-ի սեպտեմբերին: «Արդեն վեր է խոյացել այդ եզակի շինությունը, տարածքներով 4 անգամ մեծ առկա օգտակար մակերեսներից, սկսվել են ներքին կառուցապատման աշխատանքները: Մենք պետք է կազմ ու պատրաստ մուտք գործենք այդ եզակի կառույց: Նկատի ունեմ և՛ գիտական, և՛ տեխնիկական ու սպասարկման անձնակազմերի ընդլայնումն ու վերազինումը: Մեզ ամենօրյա լարված աշխատանք է սպասում: Հույս ունեմ, որ այն կպսակվի հաջողությամբ»,- նշեց Հրաչյա Թամրազյանը: Մատենադարանում մեկ տարվա ընթացքում կատարված աշխատանքների մասին գոհունակության խոսքեր ասացին Հայաստանի ազգային արխիվի տնօրեն Ամատունի Վիրաբյանը, ԳԱԱ հումանիտար և հասարակական գիտությունների բաժանմունքի ակադեմիկոս քարտուղար Վլադիմիր Բարխուդարյանը, փիլիսոփայության դոկտոր Հրաչյա Միրզոյանը, Մատենադարանի կառավարման խորհրդի նախագահ Սեն Արևշատյանը և ուրիշներ:

Աղբյուրը՝ azg.am
(Ռուզան Պողոսյան)


'